რუისპირის მოსახლეობის სოფლის სპეციალური ფონდის დაწესების ინიციატივა

თელავის მუნიციპალიტეტის სოფელ რუისპირის მოსახლეობა კოოპერირების გზით სპეციალური ფონდის დაწესების ინიციატივით გამოდის.

„ჩვენ შექმნით კოოპერატივს, გვექნება ჩვენი ბიუჯეტი, საწარმოები და ბიოლოგიურად სუფთა პროდუქტი. ამით დავაინტერესებთ ტურისტებს და განვითარდება ეს სფერო, რაც ჩვენს ეკონომიურ მდგომარეობაზე აისახება და ფონდში არსებული თანხა სოფლის განვითარებას მოხმარდება“, – განაცხადა ინიციატივის ავტორმა გიორგი ალადაშვილმა.

საინიციატივო ჯგუფი ასევე გეგმავს, დააინტერესოს საერთაშორისო ორგანიზაციები და სოფლის განვითარების კუთხით სხვადასხვა პროექტები განახორციელოს.

წყარო: 1tv.ge

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *