სამი ქალბატონის სტარტაფი _ კენკრის ახალი ბაღი მარნეულში

ამხანაგობა „ქართული კენკრამ“, მარნეულის რაიონის სოფელ ახლომახმუდლოში 7 ჰა-ზე ჟოლოს და მაყვლის ბაღი  გააშენა.

„ქართული კენკრა“ პროგრამაში „დანერგე მომავალი“ 2017 წელს ჩაერთო და ბაღის გაშენებისა და სარწყავი სისტემების მოწყობისთვის 53,305 ლარის ოდენობის სახელმწიფო დაფინანსება მიიღო, აქედან, 35,805 ლარი ნერგებისთვის, ხოლო 17,500 ლარი – წვეთოვანი სისტემებისთვის.

ამხანაგობა 3 ქალბატონის სტარტაპია, რომლებმაც გადაწყვიტეს საქმიანობა სოფლის მეურნეობის მიმართულებით დაეწყოთ და კენკრის ბაღი გააშენეს. ამხანაგობა გეგმავს სამომავლოდ გაშენებულ ბაღის ტერიტორიაზე ბიო მეურნეობის სტანდარტის აღებას.

სოფლის მეურნეობის პროექტების მართვის სააგენტოს პროგრამის „დანერგე მომავალი“ მენეჯერმა, ლევან დოლიძემ ადგილობრივი თვითმმართველობის წარმომადგენლებთან ერთად, „ქართული კენკრას“ ჟოლოსა და მაყვლის ბაღი დაათვალიერა.

პროექტის „დანერგე მომავალი“ ფარგლებში, საქართველოს მასშტაბით, ხეხილის ახალი ბაღები 4,293 ჰექტარზეა გაშენებული. სახელმწიფო დაფინანსების მოცულობა 22,271,868 მილიონ ლარს შეადგენს.

აქედან, ქვემო-ქართლის რეგიონში ხეხილის ბაღები 672 ჰა მიწის ფართობზე გაშენდა. სოფლის მეურნეობის პროექტების მართვის სააგენტო „აწარმოე საქართველოში – ბიზნესის“ ფარგლებში, ახორციელებს „ერთიან აგროპროექტს“, რომელიც გათვლილია გრძელვადიან განვითარებაზე და მისი მიზანია ისეთი გარემოს შექმნა, რომელიც ხელს შეუწყობს სოფლის მეურნეობაში კონკურენტუნარიანობის ამაღლებას, მაღალხარისხიანი პროდუქციის წარმოების სტაბილურ ზრდას, სურსათის უვნებლობის საერთაშორისო სტანდარტების დანერგვას.

One thought on “სამი ქალბატონის სტარტაფი _ კენკრის ახალი ბაღი მარნეულში

  • 16/03/2018 at 15:03
    Permalink

    vcxovrob adigenis municipalutetshi. xexilis bagis gasheneba minda. vis mivmarto? vin damexmareba?

    Reply

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *