შუახევის ათი იალაღი მალე ელექტროენერგიით უზრუნველყოფილი გახდება

შუახევის მუნიციპალიტეტი სამთო იალაღებზე შიდა ელექტროგადამცემი ქსელის მოწყობას გეგმავს. ელექტროგადამცემი ქსელი მოეწყობა შემდეგ იალაღებზე: ყავრიანი, კირჩხიანი, გრძელგორი, ნაყორვალა, ნაფოცხვარა, ხარიათაღი, მთაპატარა, შუა იეილა, ჯვარი მინდორი, ტყისველა. მუნიციპალიტეტმა შესაბამისი ტენდერი უკვე გამოაცხადა. სატენდერო თანხა 1 301 300 ლარია.

ტენდერში წინადადებების მიღება 2019 წლის 17 მარტს დაიწყება და 22 მარტს დასრულდება.

შუახევის მუნიციპალიტეტის სატენდერო კომისიის ინფორმაციით აღნიშნულ იალაღებთან ცენტრალური ელექტროგადამცემი ხაზი მიყვანილია და ყველგან დამონტაჟებულია ტრანსფორმატორი: „ტენდერით დაგეგმილია მხოლოდ შიდა ქსელის მოწყობა, ანუ დენის მიყვანა თითოეულ სახლამდე [იაილამდე]. ამ ეტაპზე არ არის გათვალისწინებული გამრიცხველიანება“.

მთის იალაღი შუახევში / ფოტო: გურამ მურვანიძე

თედო ჯორბენაძე

წყარო: batumelebi.netgazeti.ge

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *