ლაშა პაპაშვილმა გუდის ყველის წარმოება დაიწყო
ბიზნესმენმა,უძრავი ქონების განვითარებისა და აქტივების მართვის კომპანია „რედიქს ჯგუფის“ დამფუძნებელმა ლაშა პაპაშვილმა გუდის ყველის წარმოება დაიწყო. კომპანია „ვაკისძირი“ მაღალი კლასის ყველს მცირე პარტიებით აწარმოებს და „რედიქსის“ ქსელში ყიდის.
როგორც ბიზნესმენი განმარტავს, პროექტში 500 000 ლარამდე ინვესტიცია ჩაიდო. კომპანია „ვაკისძირმა“ წარმოება, თუშეთში, გასული წლის ბოლოს დაიწყო და დღემდე 3-4 ტონა ყველის წარმოება შეძლო.
_ „საზღვარგარეთ, მაღალფასიანი და ძვირადღირებული ყველები ადგილზე იყიდება, გატანაც არ სჭირდება. წინასწარ ჩაწერით ხდება მისი რეალიზაცია. ასეა ჩვენს შემთხვევაშიც“ _ ამბობს ლაშა პაპაშვილი.
კომპანიის მიზანი პროდუქციის ხარისხის ისე ამაღლება, რომ მისი ღირებულება 15 ლარიდან 30 ლარამდე გაიზარდოს.
ბიზნესმენი ლაშა პაპაშვილი კახეთში ზეთისხილის ბაღების გააშენებასაც გეგმავს. საუბარია, დაახლოებით 15 ჰექტრის ათვისებაზე.
როგროც პაპაშვილი აღნიშნავს, ამ მიმართულებით კახეთში 300 000 ლარის ინვესტიცია განხორციელდება.
მიმდინარე წელს დაგეგმილია თაფლის წარმოების დაწყებაც. „ამ მიმართულებით ვგეგმავთ ყვარლის და ზუგდიდის ათვისებას“-აღნიშნავს პაპაშვილი.
სოფო ქსოვრელი
წყარო: commersant.ge