ცხრა რჩევა ფერმერებს ცხოველთა და ფრინველთა დაავადებების გავრცელების ორმხრივი პრევენციისთვის

მანამდე კი: 

1.    მოერიდეთ ცხოველთან / ფრინველთან ხშირ კონტაქტს. განსაკუთრებით მაშინ, თუ მის ჯანმრთელობაში არ ხართ დარწმუნებული;

2.    ცხოველებთან კონტაქტის  დროს ყოველთვის დაიცავით   პირადი ჰიგიენის ძირითადი წესები. მნიშვნელოვანია, საფუძვლიანად დავიბანოთ ხელები საპნით, ან  ცხოველებთან ყოველი კონტაქტის შემდეგ გამოვიყენოთ ხელის სადეზინფექციო საშუალებები. ეს ასევე დაგვიცავს სხვა ბაქტერიებისგან, როგორიცაა: ნაწლავური ჩხირი და სალმონელოზი;

3.    ხშირად  ჩაატარეთ იმ სადგომთა დეზინფექცია, სადაც ცხოველები და ფრინველები არიან დაბინავებული. ზოგიერთი პრეპარატით (მაგ. იოდზეფი 10%) დეზინფექცია ცხოველების და ფრინველების იქ ყოფნის დროსაც შეიძლება. სხვადასხვა საშუალებით  დეზინფექციისას სადგომი ცარიელი უნდა იყოს;

4.    სადგომის დეზინფექციის შემდეგ საჭიროა შენობის გაშრობა და განიავება 3-4 საათის განმავლობაში;

5.    პერიოდულად ჩაატარეთ საპროფილაქტიკო-სადეზინფექციო  და სადეზინვაზიო სამუშაოები იმ ობიექტებზე, რომლებიც დაკავშირებულია ცხოველთა შენახვასთან, საკვების საწყობებთან, ნედლეულის ტრანსპორტირებასთან და ცხოველური წარმოშობის პროდუქტებთან;

6.    სპეციალური სადეზინფექციო ხსნარით მუდმივად განაახლეთ ფერმების შესასვლელში განთავსებული დეზობარიერები;

7.    გამოიყენეთ ფართო სპექტრის ანტიმიკრობული მოქმედების (მათ შორის ღორის აფრიკული ჭირსა და ქათმის გრიპის აღმძვრელებზე) საშუალებები;

8.    შესაძლებლობების ფარგლებში, სასურველია ცხოველთა დაწყურებისათვის განკუთვნილი წყლის გაუვნებლობა (დეზინფექცია);

9.    ცხოველთა ან ფრინველთა ჯანმრთელობასთან დაკავშირებით გაჩენილი ეჭვის შემთხვევაში დროულად მიმართეთ ადგილობრივ ვეტერინარს.

დაიცავი ჰიგიენის წესები და იქნები დაცული!
კონსულტაციისათვის დაგვიკავშირდით ტელეფონზე  – 591 80 78 85
კონსულტაცია უფასოა!