საექსპორტო ოჯალეშის რთველი მარტვილში

თარგამეულში 4 წლის წინ გაშენებულ ვენახში წლეულს პირველი რთველია.

ვენახში ყურძენს ზაზას მეგობრების გარდა, უცხო ადამიანებიც კრეფენ. ზაზამ ისინი ფეისბუკით მოიწვია.

დაახლოებით 150 კილოგრამამდე ოჯალეში დაიკრიფა და მარანში დაბინავდა. მოგვიანებით მისგან საუკეთესო ხარისხის ღვინოს დააყენებენ, რომელიც უკვე იყიდება დიდ ბრიტანეთში, საფრანგეთში, გერმანიაში, პოლონეთში, ავსტრალიაში, ამერიკის შეერთებულ შტატებსა და იაპონიაში.

ჩვენი მევენახეობა მთლიანად ორგანულ პრინციპებზეა დამყარებული. ვენახშიც თავიდანვე კონტაქტური შესაწამლები გამოიყენება, შემოგვაქვს ორგანული სასუქები მხოლოდ ნაკელის სახით. სხვა დანარჩენ ვენახებზე, საიდანაც ასევე ვყიდულობთ ყურძენს, იქაც ჩვენი ზედამხედველობით ხდება მათი მოვლა, ასევე ვართ ჩვენ ასოციაცია ბუნებრივი ღვინოს
წევრი და ამ ასოციაციის მიერ ხდება შიდა კონტროლი, რაც ვაზსაც ეტყობა“, – ამბობს ზაზა გაგუა.
ყველაფერი 2012 წლიდან დაიწყო. მან ნიკა და აბესალომ ფარცვანიებთან ერთად სოფელში სოფელ თარგამეულში საწარმო – „Vino M’artville“ დააფუძნა და ვენახები გააშენა.აქ მზადდება ოჯალეშის წითელი მშრალი ღვინო, ცოლიკოური, ორბელური ოჯალეშის „როზე“. საწარმო საკუთარი ვენახებისა და სანერგე მეურნეობის გაფართოებას გეგმავს, რაც საშუალებას მისცემთ, ყურძნის საკუთარი ნედლეულით იყვნენ უზრუნველყოფილი.

ზაზა გაგუა მარტვილში 2010 წელს, თბილისიდან მას შემდეგ ჩამოვიდა, რაც მარტვილისა და ოკაცეს ბუნების ძეგლების ადმინისტრაციის დირექტორად დანიშნეს. მან თავისი წინაპრების ძველი სახლიც აღადგინა, სადაც ამჟამად ოჯახთან ერთად ცხოვრობს.

მისი მეუღლე ქეთო ნინიძეც მეღვინეა.

მათ სახლში „საოჯახო მარანი – ოდა“ ფუნქციონიებს, სადაც სტუმრებს მარანში დამზადებულ ღვინოსთან ერთად, მეგრული ტრადიციული კერძებით უმასპინძლდებიან.

ნანა ხუბუტია, 
წყარო: www.livepress.ge

კომენტარის დატოვება

თქვენი ელფოსტის მისამართი გამოქვეყნებული არ იყო.