მთავრობა ბიზნესთან ერთად სურსათზე ფასების შემცირების გზებს ეძებს

საქართველოს პრემიერ-მინისტრმა ირაკლი კობახიძემ სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის სხდომაზე მსხვილი ქსელური მარკეტების წარმომადგენლებს შეხვდა.

შეხვედრის მთავარი მიზანი სასურსათო ფასების ზრდის მიზეზების განხილვა და იმ პრაქტიკების იდენტიფიცირება იყო, რომელთა ცვლილებაც მოსახლეობისთვის ფასების შემსუბუქებას უზრუნველყოფს.

მთავრობის მეთაურმა განსაკუთრებული ყურადღება გაამახვილა ბიზნესის თავისუფლებასა და სოციალურ პასუხისმგებლობას შორის ბალანსზე.

პრემიერ-მინისტრი სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის სხდომაზე ქსელური მარკეტების წარმომადგენლებს შეხვდა.

ბიზნესის თავისუფლება არის მთავარი ამოსავალი წერტილი ჩვენთვის და, ბუნებრივია, თავისი პლუსი აქვს, როდესაც ბიზნესი მთლიანად თავისი თავისუფალი შეხედულებით განსაზღვრავს საკუთარ საქმიანობას, თუმცა აქ შემოდის სოციალური ასპექტი, რაც ძალიან მნიშვნელოვანია. თქვენთან ერთად გვინდა ვიმსჯელოთ, როგორ შეიძლება მოვახერხოთ ფასების დაწევა, – ამის შესახებ საქართველოს პრემიერ-მინისტრმა ირაკლი კობახიძემ სასურსათო პროდუქციის ფასებთან დაკავშირებით მოქმედი სამთავრობო საკოორდინაციო კომისიის დღევანდელ სხდომაზე განაცხადა, რომელსაც ქსელური მარკეტების წარმომადგენლები დაესწრნენ.

მთავრობის მეთაურმა აღნიშნა, რომ ხელისუფლების პრიორიტეტია, მოქალაქეებზე აისახოს ის სიკეთე, რომელსაც ქვეყანა ეკონომიკური ზრდის შედეგად იღებს.

„ბიზნესის თავისუფლება არის მთავარი ამოსავალი წერტილი ჩვენთვის და, ბუნებრივია, თავისი პლუსი აქვს, როდესაც ბიზნესი მთლიანად თავისი თავისუფალი შეხედულებით განსაზღვრავს საკუთარ საქმიანობას, თუმცა აქ შემოდის სოციალური ასპექტი, რაც ძალიან მნიშვნელოვანია. როდესაც ბიზნესი თავისუფალია და თავისუფლად აწარმოებს თავის საქმიანობას, ეს ეხმარება ეკონომიკას, დასაქმებას – ყველა თვალსაზრისით მნიშვნელოვანია. თუმცა ამ შემთხვევაში იმდენად მძიმე სოციალური ტვირთი შემოდის მოსახლეობისთვის, რომ გადავწყვიტეთ, კონსულტაციების საფუძველზე გვეცადა გარკვეული ცვლილებების შეტანა მთლიანად საერთო სურათში. რეალურად არის შემთხვევები, სადაც ორმაგი, სამმაგიც კი არის სხვაობა ფასებს შორის. თქვენთან ერთად გვინდა ვიმსჯელოთ იმასთან დაკავშირებით, თუ რა შეიძლება გაკეთდეს ამ მიმართულებით, როგორ შეიძლება გარკვეული პრაქტიკები შეიცვალოს იმისათვის, რომ მოვახერხოთ ფასების დაწევა. მთლიანობაში, ჯამური საშუალო ფასნამატი ჩვენი დაანგარიშებით შეადგენს 86 პროცენტს. ვფიქრობთ, ფასნამატი 86% საკმაოდ მაღალია. ხუთი წლის განმავლობაში მარკეტების რაოდენობა ქვეყანაში გაორმაგებულია. საქართველოში 100 000 კაცზე 113 მარკეტია, მაშინ როდესაც გერმანიაში იგივე მაჩვენებელი 45-ია, ავსტრიაში – 62. არის კიდევ უფრო დაბალი მაჩვენებლები. ეს, ბუნებრივია, საბოლოო ჯამში აისახება ფასზე და ტვირთად აწვება მოსახლეობასაც“, – განაცხადა ირაკლი კობახიძემ.

პრემიერ-მინისტრმა აღნიშნა, რომ მსგავსი ფორმატის შეხვედრები გაიმართება როგორც დისტრიბუტორებთან, ისე ადგილობრივ მწარმოებლებთან. ასევე, კომისია იმუშავებს მედიკამენტებისა და საწვავის ფასებთან დაკავშირებითაც.

შეხვედრას მსხვილი საცალო სასურსათო ქსელური მარკეტების 15-მდე წარმომადგენელი დაესწრო.

პრემიერ-მინისტრის განცხადებით, ხელისუფლების პრიორიტეტია, რომ ქვეყნის ეკონომიკური ზრდით მიღებული სარგებელი რეალურად აისახოს მოქალაქეების ყოველდღიურ ცხოვრებაზე.

მთავრობის შეფასებით, სასურსათო პროდუქტებზე საშუალო ფასნამატი 86 პროცენტს აღწევს, რაც მაღალი სოციალური ტვირთია მოსახლეობისთვის. ამ ფონზე დაგეგმილია კონსულტაციების გაგრძელება როგორც ქსელურ მარკეტებთან, ისე დისტრიბუტორებსა და ადგილობრივ მწარმოებლებთან. პარალელურად, საკოორდინაციო კომისია მუშაობას გააგრძელებს მედიკამენტებისა და საწვავის ფასების მიმართულებითაც, რათა შემცირდეს ხარჯები და გაუმჯობესდეს მოსახლეობის ეკონომიკური მდგომარეობა.