კოსმოსიდან დანახული ჩინეთის მასშტაბური გამწვანების კამპანიის შედეგი

ჩინეთის მიერ წლების წინ დაწყებული ტყის აღდგენის) და გამწვანების ეროვნული პროგრამები უკვე შედეგებს იძლევა, რომელიც იმდენად მასშტაბურია, რომ მისი შემჩნევა კოსმოსიდანაც შეიძლება.

ათწლეულების განმავლობაში ჩინეთმა, სავარაუდოდ, 66 მილიარდზე მეტი ხე დარგო, რითაც მსოფლიოში ხელოვნური ტყის ერთ-ერთი უდიდესი ქსელი შექმნა.

ეს ინიციატივა მიზნად ქვეყნის ეკოლოგიური მდგომარეობის ფუნდამენტურ გაუმჯობესებას ისახავს.

ახალმა კვლევებმა აჩვენა, რომ დარგული ტყის მასივების ნაწილი ბევრად უფრო სწრაფად იზრდება, ვიდრე მის სიახლოვეს არსებული ბუნებრივი ტყეები. ეს წარმატება რამდენიმე ფაქტორს უკავშირდება:

• ადგილობრივ კლიმატურ პირობებთან ადაპტირებული მცენარეების შერჩევას;
• ნერგების მოსავლეად მოწინავე მეთოდოლოგიების დანერგვას;
• მიწის რესურსების ეფექტიან და მიზანმიმართულ მართვას.

ფაქტია რომ პროგრამამ ჩინეთის ჩრდილოეთ რეგიონებში მნიშვნელოვანი შედეგები გამოიღო:

1. შემცირდა ნიადაგის ეროზია, გაუმჯობესდა ნაყოფიერი ფენის დაცვა.
2. გაუდაბნოების შეკავებამ და მწვანე ზოლების შექმნა ქვიშის მასების გადაადგილება მნიშვნელოვნად შეაჩერა;
3. ჰაერის ხარისხის გაუმჯობესდა;
4. ატმოსფეროდან ნახშირბადის _CO₂-ის შთანთქმის კოეფიციენტი გაიზრდა.

წარმატების მიუხედავად მეცნიერები ყურადღებას ამახვილებენ მონოკულტურული (ერთი სახეობის) პლანტაციების რისკებზე. ასეთი ტყეები, ბუნებრივთან შედარებით, ნაკლებ ბიომრავალფეროვნებას ინარჩუნებს და გრძელვადიან, კომპლექსურ მოვლას მოითხოვს.

მკვლევარები მიიჩნევენ, რომ სამომავლო პროექტები აქცენტს არა მხოლოდ ხეების რაოდენობის გაზრდაზე, არამედ მრავალფეროვანი და მდგრადი ეკოსისტემების ჩამოყალიბებაზე უნდა აკეთებდეს.

აგრარულ და ეკოლოგიურ წრეებში დღეს მთავარი კითხვა ამგვარად ისმის _ შეუძლია თუ არა ფართომასშტაბიან გამწვანებას კლიმატის ცვლილებასთან ბრძოლა ისე, რომ არ დაირღვეს ბუნებრივი ტყის მასივების ბალანსი?

მასშტაბური გამწვანება – ეკოლოგიური ტრიუმფი და მომავლის გამოწვევები

ჩინეთის მიერ განხორციელებული გლობალური მასშტაბის გამწვანების კამპანია, რომლის შედეგებიც კოსმოსიდანაც აშკარად ჩანს, თანამედროვე სატყეო მეურნეობის უპრეცედენტო მაგალითია. 66 მილიარდზე მეტი ნერგით შექმნილმა ხელოვნურმა ტყის ქსელმა წარმატებით გადაჭრა ეკოლოგიური კრიზისის ისეთი მწვავე პრობლემები, როგორიცაა გაუდაბნოება, ნიადაგის ეროზია და ჰაერის დაბინძურება.

თუმცა, მიღწეული შედეგები აჩენს ფუნდამენტურ კითხვას ბალანსის შესახებ: შეიძლება თუ არა რაოდენობრივი მაჩვენებლების ზრდამ შეცვალოს ბუნებრივი ეკოსისტემების სირთულე? მონოკულტურული პლანტაციების შეზღუდული ბიომრავალფეროვნება მეცნიერებს აფიქრებს, რომ მომავალი ეფექტიანი გადაწყვეტილებები უნდა ეფუძნებოდეს არა მხოლოდ ხეების რაოდენობის გაზრდას, არამედ მდგრადი, მრავალფეროვანი და თვითრეგულირებადი ეკოსისტემების ჩამოყალიბებას.

და ბოლოს, ჩინეთის გამოცდილება გვასწავლის, რომ მასშტაბური გამწვანება, თუ იგი დაგეგმილი და მართული იქნება ბუნებრივი ბალანსის სრული დაცვით, კლიმატის ცვლილებასთან ბრძოლის უძლიერესი ინსტრუმენტი გახდება.