გააშენეთ ხეხილი თქვენი ეზოს სივრცის შესატყვისად ესპალიერის პრინციპით – 7 ნაბიჯი
ესპალიერის პრინციპი თანამედროვე მებაღეობაში ერთ-ერთი ყველაზე ეფექტიანი მეთოდია, რომელიც ხეხილს საშუალებას აძლევს, მცირე სივრცეშიაც კი სწორად განვითარდეს.
ესპალიერის პრინციპი გულისხმობს ხის ჩამოყალიბებას კედელის გასწვრივ ან გამაგრებულ ბადეზე ბრტყელ, ჰორიზონტალურ ფორმად, რომლის შედეგადაც სივრცეს ვიყენებთ ოპტიმალურად და ვიღებთ ჯანსაღ, უხვი მოსავალს.
გთავაზობთ ხეხილის გაშენების მეთოდებს, რაც ესპალიერის ტექნიკის სრულყოფილად ათვისებაში დაგეხმარებათ.
1. შეარჩიეთ შესაფერისი ჯიში
ესპალიერის მეთოდით ხეხილის გასაშენებლად განსაკუთრებით კარგია: ვაშლი, მსხალი ან ატამი. მნიშვნელოვანია, რომ არჩეული ჯიში თქვენს კლიმატურ ზონასა და ხელმისაწვდომ სივრცეს შეესაბამებოდეს.
2. შეარჩიეთ იდეალური ადგილი თქვენს ეზოში თუ ბაღში
ხეს სჭირდება მზიანი ადგილი და კარგად დრენირებული ნიადაგი. მზის სხივები მცეარეს პირდაპირ უნდა ხვდებოდეს, რათა ფოტოსინთეზი და პროცესები რაც ხარისხიან და უხვ მოსავალს უზრუნველყოს სწორად და შეუფერხებლად გავნითარდეს.
3. მოამზადეთ საყრდენი სისტემა
კედელზე ან გამძლე ღობეზე გაჭიმეთ მავთულის მყარი ჰორიზონტალური რიგები. ის იქნება საყრდენი, რაზეც ხის ტოტებს დაამაგრებთ და სასურველ ფორმას მისცემთ.
4. ხე გასახალით, ტოტებს მიეცით თქვენთვის სასურველი საწყისი ფორმები
მცენარის კარგად განვითარებისთვის პირველი სეზონი გადამწყვეტია. მცენარის სწორად ფორმირება უზრუნველყოფს ძლიერ ძირითად ტოტებს და ხელს შეუწყობს გვერდითი რტოების სწორად განვითარებას.
5. ტოტების მიბმა მავთულზე
არჩეული, ძლიერი ტოტები ფრთხილად მიმაბით მავთულზე. გამოიყენეთ რბილი, ელასტიური დასაკრავი მასალა, რომ ტოტები არ დაზიანდეს და თან უსაფრთხოდ განლაგდეს სასურველ პოზიციაში.
6. რეგულარული მოვლა
სტრუქტურის ჩამოყალიბების შემდეგ აუცილებელია ხეხილის სისტემატური გასხვლა. მოაცილეთ ზედმეტი ან არასწორად მიმართული ტოტები, რათა გაუმჯობესდეს ჰაერაცია და მაქსიმალურად შეეწყოს ხელი ფოტოსინთეზის ეფექტიანობას.
7. მიიღეთ ხარისხიანი მოსავალი
ესპალიერის პრინციპით სრულად ჩამოყალიბებული ხეხილის ხე მხოლოდ სივრცეს კი არ ზოგავს, არამედ ხშირად უფრო მაღალხარისხოვან ნაყოფსაც იძლევა, რადგან ყოველი ვაშლი, მსხალი თუ ბროწეული თანაბრად იღებს მზის ენერგიას.
ესპალიერის ტექნიკა საშუალებას გაძლევთ მცირე ნაკვეთზეც კი გაზარდოთ ჯანსაღი და უხვმოსავლიანი ხეხილი. სწორი მიდგომით მცირე ფართობზე გაშენებული თქვენი ბაღი მაქსიმალურ პოტენციალს გამოავლენს და უხვ მოსავალს მოგცემთ.