იმერეთში 160 ჰექტარ სასოფლო-სამეურნეო მიწაზე სარწყავი წყლის მიწოდება გაუმჯობესდა

იმერეთში, ხონი-სამტრედიის სარწყავ სისტემაზე სარეაბილიტაციო სამუშაოები დასრულდა, რის შედეგადაც 160 ჰექტარ სასოფლო-სამეურნეო მიწის ფართობზე სარწყავი წყლის მიწოდება მნიშვნელოვნად გაუმჯობესდა.

სამუშაოები შპს „საქართველოს მელიორაციამ“ განახორციელა სამელიორაციო ინფრასტრუქტურის მოწესრიგების ფარგლებში. კონკრეტულად, ივანდიდისა და გოჩა ჯიხაიშის ადმინისტრაციულ ერთეულებში, 4 კილომეტრიანი წყალგამანაწილებელი არხი გაწმენდილია ხე-მცენარეებისა და ნატანი მასისგან, რაც არხის გამტარუნარიანობის გაზრდას და წყლის მიწოდების სტაბილიზაციას უზრუნველყოფს.

შედეგად, ადგილობრივმა ფერმერებმა შესაძლებლობა მიიღეს, უკეთესად და საიმედოდ მოსარწყავ ტერიტორიებზე აწარმოონ სოფლის მეურნეობა.

როგორც „საქართველოს მელიორაციაში“ აცხადებენ, მსგავსი ინფრასტრუქტურული პროექტები ხელს უწყობს აგრარული სექტორის განვითარებას და სოფლის მოსახლეობის ეკონომიკური პირობების გაუმჯობესებას.

აღსანიშნავია, რომ 2012 წლიდან დღემდე იმერეთის რეგიონში განხორციელებული სამელიორაციო ინფრასტრუქტურული პროექტების შედეგად:

• სარწყავი წყლით უზრუნველყოფილია 12 075 ჰექტარი სასოფლო-სამეურნეო მიწა;

• სარწყავი წყლის მიწოდება გაუმჯობესდა 15 265 ჰექტარ სავარგულზე;

• ხოლო დაშრობილი მიწის ფართობი 3 385 ჰექტარს შეადგენს.

სამელიორაციო სისტემების განახლება აგრძელებს როგორც მიწის რესურსების ეფექტიან გამოყენებას, ისე აგრარული წარმოების მდგრადობისა და მომგებიანობის ზრდას.