ქართული ვაშლი ექსპორტის მაჩვენებელი შარშანდელთან შედარებით 600%-ით გაიზარდა
საქართველოში წარმოებული ვაშლის ექსპორტი 2025 წელს საგრძნობლად გაიზარდა, ზრდამ შარშანდელ მაჩვენებელს 600%-ით გადააჭარბა.
სოფლის მეურნეობის სექტორის სპეციალისტების შეფასებით, ეს არის ქართული ხილეულის ექსპორტში ერთ-ერთი ყველაზე სწრაფი ზრდის დინამიკა, რაც ბოლო წლებში ფიქსირდება.
ექსპორტის ძირითადი ნაწილი, 96%-ზე მეტი, რუსეთში განხორციელდა, სადაც გასულ რვა თვეში 6,6 მილიონი დოლარის ღირებულების 10 727 ტონა ქართული ვაშლი გაიყიდა.
მეორე ადგილს სომხეთი იკავებს (180 ტონა, 258 ათასი დოლარი), ხოლო მესამე ადგილზეა ბელარუსი (157 ტონა, 170 ათასი დოლარი).
მცირე რაოდენობის პროდუქტი 60 ტონა საქართველომ ყაზახეთშიც გაიტანა.
გარდატეხა ადგილობრივ წარმოებაში
ექსპერტების განმარტებით, ქართული ვაშლის საექსპორტო ზრდა რამდენიმე ფაქტორმა განაპირობა:
- მოსავლიანობის ზრდამ და თანამედროვე შესანახი და დამუშავების ინფრასტრუქტურის განვითარებამ;
- ხარისხიანი შეფუთვისა და ლოგისტიკის გაუმჯობესებამ;
- აგრეთვე სახელმწიფო მხარდაჭერის პროგრამებმა, რომლებიც ფერმერებს წარმოების სტანდარტების ევროპულ მოთხოვნებთან დაახლოებაში ეხმარება.
როგორც EastFruit აღნიშნავს, ქართული ვაშლის კონკურენტუნარიანობა საერთაშორისო ბაზარზე თანდათან იზრდება.
ეს აჩვენებს, რომ ქვეყანა უკვე ახერხებს ექსპორტის დივერსიფიკაციას და ნელ-ნელა იკავებს ადგილს რეგიონულ სავაჭრო ქსელებში.
მომავალი პერსპექტივა
აგროანალიტიკოსების აზრით, უახლოეს წლებში საქართველომ ახალი ბაზრების გასახსნელად უნდა გააძლიეროს მუშაობა, განსაკუთრებით ახლო აღმოსავლეთსა და აღმოსავლეთ ევროპაში, სადაც მოთხოვნა ხარისხიან სუფრის ვაშლზე მზარდია.
„თუ შენარჩუნდება მიმდინარე ტენდენცია და გაგრძელდება ფერმერთა მხარდაჭერა ტექნოლოგიურ განვითარებაში, ქართული ვაშლი შეძლებს უფრო ფართო გეოგრაფიაზე გასვლას,“ _ ნათქვამია EastFruit-ის ანგარიშში.
2025 წელი ქართული ვაშლის სექტორისთვის გარდამტეხად შეიძლება ჩაითვალოს.
ექსპორტის ზრდა არა მხოლოდ ფერმერთა შემოსავლის მატებას, არამედ საერთაშორისო აგრობაზრებზე ქვეყნის იმიჯის გაძლიერებასასც ნიშნავს.
ქართული ვაშლი თანდათან ხდება ისეთი პროდუქტი, რომელიც საქართველოს სოფლის მეურნეობას გლობალურ ბაზარზე დაამკვიდრებს.