თანამედროვე სტანდარტების მასშტაბური ფერმის მოწყობა სახელმწიფო მხარდაჭერის გარეშე რთულია

 „ყვარლის ბაგა“, რომელიც ყვარლის მუნიციპალიტეტში მდებარეობს, ებრაული მოდელის ფერმაა. ის 10 წლის წინათ შეიქმნა, სადაც ჰოლშტეინის ჯიშის 3200 ძროხ ჰყავთ და ყოველდღიურად 45 000 ლიტრი რძე იწარმოება.

ფერმას 450 ჰექტარ მიწის ნაკვეთზეა  განთავსებული, რომელსაც საკუთარი კომბინირებული საკვების ახალი საწარმო და  თანამედროვე სტანდარტებით გამართული რძის გადამმუშავებელი წამოება აქვს.

ფერმის აშენაება-მოწყობაში 30 მილიონი დოლარის ინვესტიციაა განხორციელებული.

კომპანია „ყვარლის ბაგაში“  150-მდე ადგილობრივია დასაქმებული,  რომლის ძირითადი მომხმარებელი რძის უმსხვილესი გადამმუშავებელი საწარმოები: „რძის ლაბორატორია“, „სანტე“, „სოფლის ნობათი“ და „აგროჰაბი“ არიან.

მეცხოველეობის კომპლექსს გუშინ გარემოს დაცვისა და სოფლის მეურნეობის მინისტრი ოთარ შამუგია, კახეთის მხარის რწმუნებულ გიორგი ალადაშვილთან ერთად სტუმრობდა, სადაც მსხვილფეხა საქონლის ფერმერული მეურნეობა დაათვალიერა და აღნიშანა:

_ „ჩვენთვის მნიშვნელოვანია, ხელი შევუწყოთ უფრო მეტი ფერმის შექმნას, რაც მოგვცემს საშუალებას, ვაწარმოოთ მეტი რძე და ქვეყანაში ყოველწლიურად გავაუმჯობესოთ  თვითუზრუნველყოფის მაჩვენებელი. წელს სწორედ ამ მიზნით დავიწყეთ ახალი პროგრამის განხორციელება, რომლის ფარგლებში უპრეცედენტო მხარდაჭერა აქვთ ფერმერებს – 7 წლის განმავლობაში ჩვენ სესხის საპროცენტო განაკვეთს ვაფინანსებთ შესაბამისი სტანდარტების ფერმის მოწყობის ხარჯებისთვის. ამ ეტაპისთვის დადასტურებული გვაქვს და დაწყებულია დაახლოებით 25 მილიონის ინვესტიცია. ველოდებით, რომ გვექნება დიდი დაინტერესება. ამავდროულად, ვეხმარებით მცირე ფერმერულ მეურნეობებს. ბოლო ერთი წლის განმავლობაში 400-ზე მეტი მცირე ფერმერი დავაფინანსეთ რძის პირველადი წარმოების მიმართულებით, რათა მათ ააშენონ შესაბამისი სადგომები ან რეკონსტრუქცია გააკეთონ, შესაბამისი აღჭურვილობა იყიდონ. ეს ყველაფერი მომავალ წლებში ჩვენ კარგ შედეგებს მოგვცემს როგორც რძის წარმოების, ისე ხორცის წარმოების მიმართულებით“.

კომპანიის დამფუძნებლის, ლაშა პაპაშვილის განცხადებით, თანამედროვე სტანდარტების მასშტაბური ფერმის მოწყობა სახელმწიფო მხარდაჭერის გარეშე რთულია; შესაბამისად, სუბსიდირების პრაქტიკა მსოფლიოშია დანერგილია.

კომპანია „ყვარლის ბაგა“ სოფლის განვითარების სააგენტოს ბენეფიციარია. 2013 წლიდან დღემდე, მესაქონლეობის, რძის გადამუშავებისა და  მებაღეობის განვითარების, ასევე სასოფლო-სამეურნეო  მექანიზაციის  შესყიდვის მიზნობრიობით შეღავათიანი აგროკრედიტის  პროექტით ისარგებლა;  კომპანია ასევე სარგებლობს თანადაფინანსების პროგრამებით: „დანერგე მომავალი“, „სასოფლო-სამეურნეო მექანიზაციის თანადაფინანსების სახელმწიფო პროგრამა“ და  „მოსავლის ამღები სასოფლო-სამეურნეო ტექნიკის თანადაფინანსების პროგრამა“.

აღსანიშნავია, სოფლის განვითარების სააგენტოს მხარდაჭერა რძის მცირე მწარმოებლებისათვის მერძევეობის დარგის მოდერნიზაციის და პროგრამის  ფარგლებში. 2023-2024 წლებში პროგრამით ისარგებლა 400-ზე მეტმა ბენეფიციარმა, თანადაფინანსება დაახლოებით 17 მლნ ლარია. მესაქონლეობის დარგის განვითარებისათვის მიმდინარე წელს მხარდაჭერის ახალი მექანიზმი ამოქმედდა. კერძო სექტორს შესაძლებლობა აქვს, შეიძინოს მაღალპროდუქტიული ჯიშები და განახორციელოს ფერმების სათანადო აღჭურვა-მოდერნიზაცია. პროექტის ფარგლებში, რომელიც წელს, გაზაფხულიდან ამოქმედდა, გაცემულია 25 მლნ ლარის ღირებულების სესხები.

გარემოს დაცვისა და სოფლის მეურნეობის მინისტრთან ერთად ფერმაში მინისტრის მოადგილე თენგიზ ნასარიძე, სოფლის განვითარების სააგენტოს დირექტორი დავით წითლიძე და ბიზნესასოციაციის თავმჯდომარის მოადგილე მარიანა მორგოშია იმყოფებოდნენ.