საქართველოში გავრცელებული ლობიოს ჯიშები
ლობიო ერთ და მრავალწლოვან მცენარეთა გვარის პარკოსანთა ოჯახის მცენარეა. აერთიანებს 150-ზე მეტ სახეობას, რომლებიც ამერიკის, აზიისა და აფრიკის ტერიტორიაზე იზრდება.
კულტურაში დაახლოებით 20 სახეობაა, რომელთაგანაც სასურსათო მნიშვნელობა 7 სახეობას აქვს.
უფრო გავრცელებული სახეობაა ჩვეულებრივი ლობიო, რომელიც ყველა კონტინენტზე მოჰყავთ. ეს არის საგაზაფხულო ერთწლოვანი ბუჩქოვანი და ხვიარა ღეროს მქონე მცენარე, რომელიც სიმაღლეში 20-სმ-დან 2-5 მეტრამდე აღწევს.
ლობიოს პარკოსანი მცენარეა, რომლის პარკის სიგრძე 7-იდან 28 სმ-მდე იზრდება, აქვს 3-7 თესლი.
ლობიოს თესლი წაგრძელებული და თირკმლისებრია, ფერად თეთრი მოწითალო, ყავისფერი ან ჭრელი.
1000 თესლის მასა 250-იდან 400 გრამამდე აღწევს.
ლობიო სითბოს და სინათლის მოყვარული მცენარეა, სხვა პარკოსნებთან შედარებით გვალვაგამძლეა და თითქმის ყველანაირ ნიადაგზე ხარობს.
როგორც ჩვეულებრივი ლობიო, ისე მისი ყველა სხვა კულტურული სახეობა სასურსათო ცხოველთა საკვები, სასიდერაციო და დეკორატიული მცენარეა. ლობიოს მარცვალი შეიცავს 31%-მდე ცილას, 50-60% ნახშირწყლებს, 3,6%-მდე ცხიმს.
საქართველოში ლობი ძალზე პოპულარული სასურსათო მცენარეა, რომლისგანაც მრავალფეროვან გემრიელ კერძებს ამზადებენ.
აქვე გთავაზობთ აკადემიკოს ბიძინა კორახაშვილის მიერ მომზადებულ და საქართველოში გავრცელებულ ლობიოს ჯიშების აღწერას მათი ბუჩქის, ყვავილის და მარცვლის ფერის, პარკში თესლის რაოდენობის და სავეგეტაციო პერიოდის შესახებ.
საქართველოში გავრცელებული ლობიოს ჯიშები
იხილეთ ცხრილი:
| ჯიში | სინონიმი | ბუჩქის ფორმა | მარცვლის ფერი და ფორმა | ყვავილის ფერი | თესლის რაოდენობა პარკში | 100 მარცვლის მასა გრამში | სავეგეტაციო პერიოდი დღე |
| ჩიტისკვერცხა | რაჭული | ხვიარა | მოვარდისფრო, ყვითელი ელისფსური | იისფერი | 4-5 | 350-420 | 115-150 |
| ცანავა | გურული | კუტი | ღია მოყვითალო, მოწითალო ლაქებით | იისფერი | 3-5 | 420-430 | 75-90 |
| წითელი ადგილობრივი | მინდვრის | ნახევრად ხვიარა | წითელი ელფერით | თეთრი | 5-7 | 220-360 | 85-100 |
| წითელი ინდური | ადგილობრივი | ხვიარა | წითელი წვერწაკვეთილი | თეთრი | 5-8 | 250-300
|
81-100 |
| წითლად ჭრელი | ადგილობრივი | კუტი | მოყვითალო, კვერცხის ფორმა | თეთრი | 4-5 | 380-420 | 85-90 |
| წითელი 41 | სელექციური | კუტი | წითელი, ელიფსური | თეთრი | 4-6 | 310-350 | 65-75 |
| ლიახვი | სელექციური | კუტი | მოვარდისფრო, წითელი ოვალური | ღია ვარდისფერი | 4-5 | 500-520 | 85-90 |
| მუხრანული | სელექციური | კუტი | მოვარდისფრო, ყვითელი ოვალური, | ღია ვარდისფერი | 4-5 | 395-420 | 71-78 |
| ბათუმურა | სელექციური | მოთეთრო ვარდისფერი | თეთრი | 4-5 | 380-430 | 73-81 |