„აჭარის აგრარული შესაძლებლობები“ _ ფორუმი, რომელიც აერთიანებს ფერმერებს, ინვესტორებს და ინოვაციებს

ბათუმში გაიმართა ფორუმი „აჭარის აგრარული შესაძლებლობები“, რომელიც მიზნად ისახავს რეგიონში აგრარული პოტენციალის წარმოჩენას, ახალი ინვესტიციების მოზიდვას და ფერმერებისთვის თანამედროვე ტექნოლოგიების გაცნობას.

ღონისძიება ორგანიზებული იყო აჭარის ავტონომიური რესპუბლიკის სოფლის მეურნეობის სამინისტროს მიერ და მას ესწრებოდნენ ადგილობრივი მეწარმეები, აგრობიზნესის წარმომადგენლები, საერთაშორისო ორგანიზაციები და სახელმწიფო უწყებების ხელმძღვანელები.

ფორუმი წარმოადგენდა სივრცეს, სადაც როგორც პრაქტიკოსი ფერმერები, ისე პოლიტიკის შემმუშავებლები და აგროინოვაციების სპეციალისტები  ერთი მიზნით შეიკრიბნენ _ აჭარის სოფლის მეურნეობის მდგრადი განვითარების გეგმის ფორმირება და შესაძლებლობების განხორციელება.

ღონისძიების ფარგლებში რამდენიმე მნიშვნელოვანი მიმართულება განიხილეს, რომლებიც აჭარის სოფლის მეურნეობის დღევანდელ და მომავალ პერსპექტივებს განსაზღვრავს:

• ინფრასტრუქტურის გაუმჯობესება _ წყალმომარაგება, გზები, სასოფლო-სამეურნეო ტექნიკის ხელმისაწვდომობა და ბაზრებთან დაკავშირება;
• ინოვაციები და სმარტ–სოფლის მეურნეობა _ ფერმერებისთვის ახალი ტექნოლოგიების (დრონები, სენსორები, ციფრული მართვის სისტემები) დანერგვის შესაძლებლობები;
• საფინანსო მხარდაჭერა _ სახელმწიფო სუბსიდიების, გრანტებისა და აგროკრედიტების გამოყენების პირობები;
• აგროტურიზმი და ბრენდინგი _ აჭარის უნიკალური ეკოსისტემებისა და ადგილობრივი პროდუქციის პოპულარიზაცია ტურისტულ და საექსპორტო ბაზრებზე;
• სურსათის ხარისხი და სტანდარტები _ სერტიფიცირების, ექსპორტის და საერთაშორისო ბაზრებთან შესაბამისობის საკითხები.

ფორუმზე წარმოდგენილი იყო როგორც კერძო სექტორის ინიციატივები, ასევე სახელმწიფო პროგრამები, მათ შორის ფერმერთა გადამზადების, ტექნიკური დახმარებისა და ინოვაციური პლატფორმების განვითარების გეგმები.

დისკუსიებში განსაკუთრებული ყურადღება გამახვილდა აჭარის რეგიონის სპეციფიკურ გამოწვევებზე, რთულ გეოგრაფიაზე, კლიმატის ცვლილებაზე და მიწის რესურსების რაციონალურ გამოყენებაზე.

ფორუმის მონაწილეებმა აღნიშნეს, რომ მსგავსი შეხვედრები ქმნის ნიადაგს ბიზნესისა და პოლიტიკის სინერგიისთვის,  სადაც ფერმერები უშუალოდ აყალიბებენ მოთხოვნებს, ხოლო სახელმწიფო უწყებები რეალურ საჭიროებებს უსადაგებე ამ მოთხოვნებს.

აჭარის სოფლის მეურნეობის მინისტრის  დენის სალუქვაძის განმარტებით: „დღევანდელი ფორუმი არა მხოლოდ დისკუსიაა, არამედ სამოქმედო რუკის ჩამოყალიბების პროცესი. აჭარას აქვს უნიკალური ბუნებრივი პირობები და ადამიანური რესურსი, რაც საშუალებას მოგვცემს რეგიონი ვაქციოთ აგროინოვაციების ცენტრად.“

კერძო სექტორის წარმომადგენლებმა ილაპარაკეს საუბრობდნენ საჭიროებაზე, რომ გაეზარდოთ მცირე და საშუალო ფერმერების ჩართვა ინვესტიციებში და გადამუშავებული პროდუქციის ექსპორტზე გასატანად  უკეთესი ლოჯისტიკური მექანიზმები ამოქმედდეს.

ღონისძიებამ აჩვენა, რომ აჭარის სოფლის მეურნეობა უკვე აღარ განიხილება მხოლოდ ტრადიციულ სფეროდ, ის თანდათან გარდაიქმნება ინოვაციურ ეკონომიკურ მიმართულებად, სადაც მთავარ როლს ტექნოლოგია, ცოდნა და კოოპერაცია თამაშობს.

ფორუმზე რამდენიმე პრიორიტეტი გამოიკვეთა:

• ადგილობრივი წარმოების დივერსიფიკაცია ხილის, ბოსტნეულის, თხილისა და ჩაის მიმართულებით;
• სასოფლო–სამეურნეო განათლების გაძლიერება  ფერმერთა ტრენინგებისა და ტექნიკური მხარდაჭერის გზით;
• კლიმატთან ადაპტირებული სოფლის მეურნეობა — ნიადაგისა და წყლის რესურსების შენარჩუნებაზე ორიენტირებული პოლიტიკით;
• აგროტურიზმის განვითარების მხარდაჭერა — როგორც ეკონომიკური დივერსიფიკაციის სტრატეგია.

ფორუმი „აჭარის აგრარული შესაძლებლობები“ გახდა დასტური იმისა, რომ რეგიონს შეუძლია საკუთარი აგრარული პოტენციალი თანამედროვე სტანდარტების დონეზე განავითაროს.

ფორუმის პარალელურად აგრო სასურსათო პროდუქციისა და ტექნოლოგიების მე-13 გამოფენა Agro Batumi 2025 გაიმართა.

ახალი ინიციატივები, პარტნიორობა კერძო და საჯარო სექტორებს შორის, აგრეთვე ინოვაციური მიდგომების დანერგვა — ეს არის გზები, რომლებიც აჭარის სოფლის მეურნეობას არა მხოლოდ რეგიონულ, არამედ ეროვნულ დონეზე წარმატების მაგალითად აქცევს.