ინექციის ხელოვნება _ რატომ არის სხეულში გადამწყვეტი ნემსის შეყვანის კუთხე და ადგილი?
ერთი შეხედვით, პირუტყვისთვის წამლის გაკეთება მარტივი ჩანს, თუმცა განსხვავება „სწორ“ და „არასწორ“ მანიპულაციას შორის არის ზღვარი ცხოველის განკურნებასა და ახალი პრობლემის შექმნას შორის.
როგორც პრაქტიკა გვიჩვენებს, ბევრი რამ ცხველის სხეულში ნემსის შეყვანის სწორ კუთხესა და ზუსტად შერჩეულ ადგილზეა დამოკიდებული.
- კუნთშიდა ინექცია (IM)
ამ დროს პრეპარატი ხვდება უშუალოდ კუნთოვან ქსოვილში, სადაც სისხლის მიმოქცევა ინტენსიურია.
- შეყვანის კუთხე _ 90° (პერპენდიკულარულად). ნემსი გადის კანს, კანქვეშა ქსოვილს და აღწევს კუნთამდე.
- საუკეთესო ადგილი _ კისრის არე.
- რეკომენდაცია _ მოერიდეთ უკანა ფეხსა და ზურგს, რათა არ დააზიანოთ ხორცის ძვირადღირებული ნაწილები.
- რისთვის გამოიყენება? პრეპარატებისთვის, რომლებსაც სწრაფი შეწოვა სჭირდებათ (ანტიბიოტიკები, ანთების საწინააღმდეგო საშუალებები, ვიტამინები).
- ხშირი შეცდომები _ ერთ წერტილში წამლის დიდი მოცულობის შეყვანა ან არასწორი ადგილი, რაც იწვევს აბსცესებსა და კუნთის დაზიანებას.
- კანქვეშა ინექცია (SC)
ამ შემთხვევაში წამალი ხვდება კანის ქვეშ და არ აღწევს კუნთს.
- შეყვანის კუთხე _ 45°. კანი ოდნავ უნდა აიწიოს („ნაკეცის“ პრინციპით) და ნემსი იქ შეიყვანოთ.
- საუკეთესო ადგილი _ კისერი (პრიორიტეტული) ან ბეჭის უკანა არე.
- რისთვის გამოიყენება? პრეპარატებისთვის, რომელთა შეწოვაც შედარებით ნელა უნდა მოხდეს (მაგალითად, ჭიის საწინააღმდეგო საშუალებები, ვაქცინები).
- მთავარი განსხვავება _ კუნთშიდა ინექცია უფრო ღრმაა და სწრაფად მოქმედებს, კანქვეშა კი _ ზედაპირული და ხანგრძლივი ეფექტისაა.
რა ხდება არასწორი მანიპულაციის დროს?
თუ კანქვეშა პრეპარატს კუნთში გავაკეთებთ (ან პირიქით), მივიღებთ:
- აბსცესებსა და ჩირქოვან კერებს;
- წამლის ეფექტურობის დაკარგვას;
- ცხოველის ტკივილს;
- ეკონომიკურ ზარალს.
რჩევები ფერმერებს (რომლებიც რეალურ ცვლილებას ქმნიან):
- ყოველთვის წაიკითხეთ ეტიკეტი _ იქ მითითებულია შეყვანის გზა (IM თუ SC);
- შეარჩიეთ სწორი ნემსი _ ზომას მნიშვნელობა აქვს ქსოვილამდე მიღწევისთვის;
- დაყავით დოზა _ ნუ შეიყვანთ დიდ მოცულობას ერთ წერტილში.
- შეცვალეთ ადგილები _ თუ რამდენიმე ინექციას აკეთებთ, დააშორეთ ისინი ერთმანეთს;
- სისუფთავე _ გამოიყენეთ მხოლოდ სუფთა და დეზინფიცირებული ნემსები.
ვეტერინარული პრეპარატების სწორად გამოყენება არა მხოლოდ ჰუმანური დამოკიდებულებაა ცხოველის მიმართ, არამედ ფერმის მომგებიანობის გარანტიაა. გახსოვდეთ, სწორად შერჩეული კუთხე თქვენი შრომის შედეგს განსაზღვრავს.
წყარო: Swagx-ის ვეტერინარული კლინიკა