გურიისა და იმერეთის რეგიონებში, დიდთოვლობით დაზარალებული მოსახლეობისთვის სურსათი, პირველადი მოხმარების საგნები და შეშა გაიგზავნა
პრემიერ-მინისტრის ხელმძღვანელობით მოქმედი საკოორდინაციო შტაბის მიერ მიღებული გადაწყვეტილების შესაბამისად, გარემოს დაცვისა და სოფლის მეურნეობის სამინისტროს ორგანიზებით, 140 ტონა გაგზავნილი პროდუქტი გურიის მხარის სამ მუნიციპალიტეტში და 40-მდე ტონა იმერეთის მხარის ექვს მუნიციპალიტეტში განაწილდა და მოსახლეობას გადაეცა.
სურსათის და პირველადი საჭიროების პროდუქტების დარიგების პროცესში აქტიურად არიან ჩართულნი სურსათის ეროვნული სააგენტოს თანამშრომლები და მაღალი გამავლობის ავტოტექნიკა.
გურიის რეგიონში გარემოს დაცვისა და სოფლის მეურნეობის სამინისტრომ სტიქიით დაზარალებული მოსახლეობა საშეშე რესურსითაც მოამარაგა. ეროვნული სატყეო სააგენტო-მ, რეგიონში ჯამში, 1200 კუბური მეტრი სათბობი შეშა გააგზავნა.
სათბობი მერქანი გურიის რეგიონის „საქმიან ეზოებში“ გადანაწილდა, საიდანაც რეგიონის სამივე მუნიციპალიტეტის მოსახლეობა მომარაგდა.
სტიქიით დაზარალებული მოსახლეობის დახმარების პროცესში ჩართულია დაცული ტერიტორიების სააგენტო / Agency of Protected Areas (Georgia)-ს 30-მდე რეინჯერი შესაბამისი მაღალი გამავლობის მანქანებით და ბურანებით. რეინჯერები, საჭიროებისამებრ, ახდენენ მოსახლეობის ტრანსპორტირებას, ასევე ჩართულნი არიან სტიქიის ზონის დრონებით მონიტორინგის პროცესში.
გარემოსდაცვითი ზედამხედველობის დეპარტამენტი-ის ეკიპაჟები ჩართულები არიან როგორც მოქალაქეთა ტრანსპორტირებით უზრუნველყოფაში, ასევე ახორციელებენ მედიკამენტებითა და სურსათით მომარაგებას.