მჟაუნმჟავას მომზადების და გამოყენების წესი

მჟაუნმჟავას სამკურნალო ხსნარის მომზადებისას ხელები უნდა დავიცვათ რეზინის ხელთათმანით. უნდა გვეკეთოს პირბადე და დამცავი სათვალე.

სამკურნალო ხსნარის მომზადება და შენახვა:

1. 65ºC გაცხელებულ წყალში ვყრით საჭირო რაოდენობის მჟაუნმჟავას და ხის ჯოხით, ან პლასტმასის კოვზით ვურევთ სრულ გახსნამდე;
2. მხოლოდ შემდეგ ვამატებთ შაქარს და მასაც მორევით ვხსნით ბოლომდე;
3. ხსნარი ინახება მინის ან პლასტმასის ჭურჭელში მაცივარში 6 თვით განმავლობაში.

 სახელმძღვანელო ცხრილი მჟაუნმჟავას სამკურნალო ხსნარის მომზადებისთვის

სამუშაო ხსნარის სიძლიერე	4.2% რეკომენდებულია მხოლოდ იმ შემთხვევაში თუ ოჯახში უბარტყო პერიოდი დიდ ხანს არ გრძელდება	3.2% ოპტიმალური კონცენტრაცია ყველა შემთხვევისთვის	2.9% რეკომენდებულია ხანგრძლივი უბარტყო პერიოდის წინ	ენიშვნა: იგულისხმება მჟაუნმჟავას დიჰიდრატი, სუფთა ნაერთის შემთხვევაში ვიყენებთ მჟაუნმჟავას მითითებული რაოდენობის 7/10 ს
მჟაუნმავას კრისტალები	60 გ	45 გ	35 გ	მიიღებთ 1 ლიტრ მუშა ხსნარს. საკმარისია 20 ოჯახის დასამუშავებლად
წყალი	600 მლ	600 მლ	600 მლ
შაქარი	600 გ	600 გ	600 გ
მჟაუნმავას კრისტალები	100	75	60	მიიღებთ 1.7 ლიტრ ხსნარს, საკმარისია 33 ოჯახის დასამუშავებლად
წყალი	1 ლიტრი	1 ლიტრი	1 ლიტრი
შაქარი	1 კგ	1 კგ	1 კგ

წყალი  უნდა იყოს გამოხდილი, ან ანადუღარი და ნალექმოცილებული. ხისტ წყალში კალციუმის იონები რეაქციაში შედიან მჟაუნმჟავასთან, რაც თავიდან უნდა ავირიდოთ (ეფექტურობა შესუსტდება).

3.2% (წონა/მოცულობა)

ოპტიმალური კონცენტრაცია ყველა შემთხვევისთვის.

მჟაუნმავას კრისტალები	45გრ.
წყალი	600მლ.
შაქარი	600გრ.

სამკურნალო ხსნარის მომზადება და შენახვა:

1. 65 ºC გაცხელებულ წყალში ვყრით საჭირო რაოდენობის მჟაუნმჟავას და ხის ჯოხით ან პლასტმასის კოვზით ვურევთ სრულ გახსნამდე;
2. მხოლოდ შემდეგ ვამატებთ შაქარს და მასაც მორევით ვხსნით ბოლომდე;
3. გამზადებული ხსნარი ინახება მინის ან პლასტმასის ჭურჭელში მაცივარში 6 თვით განმავლობაში;
4. ერთ ჩარჩოთშორის სივრცეში ფუტკრის მასაზე ვასხამთ 5მლ ხსნარს ანუ 10 ჩარჩოიან ოჯახზე დაგვეხარჯება 5×10= 50 მლ. ხსნარი.

მთავარი ამოცანა – ხსნარი უნდა მოხვდეს ფუტკრის მასაზე, მათ სხეულებზე !

1. რამდენი ხანი მოქმედებს სკაში შეტანილი პრეპარატი? – 5 დღე !
2. საჭიროა თუ არა დამუშავების გამეორება? – შესაძლებელია, თუმცა გასათვალისწინებელია რომ ფუტკრის ერთ თაობას პრეპარატი მხოლოდ ერთხელ უნდა მოხვდეს სხეულზე!
3. როგორია ეფექტურობა? – ფუტკარზე მსხდომი ტკიპების 90-97% იღუპება.
4. მოქმედებს თუ არა ეს დამუშავება აკარაპიდოზზე? – შესწავლილი არ არის.

მნიშვნელოვანი დეტალი!

 პრეპარატის „უმოქმედობის“ ხშირი მიზეზი არის ის, რომ ხსნარი  სამიზნემდე ვერ აღწევს.

ნებისმიერი პრეპარატის ჩარჩოთშორის სივრცეში ჩასხმამდე სივრცე უნდა გავანთავისუფლოთ ცვილის ბარიერებისგან.

„ელკანას“ რჩევები ბიომეურნეებს