ქვევრის ღვინო ნიუ-იორკში, ,,RAW Wine” (The Artisan Wine Fair) ბუნებრივი ღვინოების საერთაშორისო გამოფენაზე

ღვინის ეროვნული სააგენტოს მხარდაჭერით, ქვევრის ღვინის 13 მწარმოებელი კომპანია და მარანი აშშ-ში, ქალაქ ნიუ-იორკში,  ბუნებრივი ღვინოების საერთაშორისო გამოფენაზე ,,RAW Wine” (The Artisan Wine Fair) იყო წარმოდგენილი

გამოფენაზე მოსულ სტუმრებს საშუალება ჰქონდათ, გასცნობოდნენ ქართული ღვინოებს,  წარმოების უძველეს ტრადიციებს,  ღვინის კულტურასა და ისტორიას.

ქართველი მეღვინეების განცხადებით, ქართული ღვინის მიმართ დიდი იყო ინტერესი როგორც ღვინის პროფესიონალების, ისე მომხმარებლების მხრიდან.

პოტენციური იმპორტიორების მოძიებისა და  ექსპორტის ზრდის შესაძლებლობის გათვალისწინებით, ქართული ღვინის წარდგენა აშშ-ში განსაკუთრებით მნიშვნელოვანია, ვინაიდან ამერიკა ქართული ღვინის ერთ-ერთ სტრატეგიულ საექსპორტო ბაზარს წარმოადგენს.

გამოფენაზე ,,RAW Wine”  მაღალი ხარისხის ბუნებრივი და ბიოდინამიური ღვინოების მწარმოებლები იკრიბებიან.  გამოფენის ორგანიზატორი ცნობილი ღვინის მაგისტრი საფრანგეთიდან იზაბელ ლეგერონია.