რა მიმართულებებს მოიცავს აგროთანადაფინანსების სახელმწიფო პროგრამა?
აგროთანადაფინანსების სახელმწიფო პროგრამა არის სოფლის განვითარების სააგენტოს მიერ ინიცირებული მასშტაბური ინიციატივა, რომელიც მიზნად ისახავს საქართველოს აგროსექტორში თანამედროვე ტექნოლოგიების დანერგვასა და კონკურენტუნარიანი გარემოს შექმნას.
პროგრამა ფერმერებსა და მეწარმეებს სთავაზობს ფინანსურ მხარდაჭერას პირველადი წარმოების, პროდუქციის გადამუშავებისა და შენახვის მიმართულებებით, რაც უზრუნველყოფს დარგში ღირებულებათა ჯაჭვის განვითარებასა და ხარისხიანი სურსათის წარმოებას.
- პირველადი წარმოება;
- გადამმუშავებელი და შემნახველი საწარმოების თანადაფინანსება;
- შეღავათიანი აგროკრედიტი საბრუნავი საშუალებებისთვის;
- შეღავათიანი აგროკრედიტი ძირითადი საშუალებებისთვის;
- სასურსათო დანიშნულების ცხოველების დაკვლისთვის განკუთვნილი ობიექტის – სასაკლაოს მოწყობა.
პროგრამის შესახებ დეტალური ინფორმაცია იხილეთ ბმულზე: https://bit.ly/3QWyas6 აგროთანადაფინანსების სახელმწიფო პროგრამით სარგებლობისათვის აუცილებელი პირობაა ფერმერული მეურნეობებისა და სოფლად არსებული საწარმოების რეესტრში რეგისტრაცია: https://bit.ly/3R3Tr35
პროგრამებში/პროექტებში მონაწილეობის მსურველებმა განაცხადები უნდა წარმოადგინონ მხოლოდ ქართულ ენაზე.
აგროთანადაფინანსების სახელმწიფო პროგრამა ითვალისწინებს პირველადი წარმოების, სასოფლო-სამეურნეო პროდუქციის შენახვისა და გადამუშავების მიმართულებების თანადაფინანსებას. პროგრამის მიზანია ხელი შეუწყოს:
- პირველადი წარმოების ზრდას;
- აგროსექტორში ღირებულებათა ჯაჭვის განვითარებას;
- პროდუქციის შენახვისა და გადამუშავების ინფრასტრუქტურის შექმნასა და გაუმჯობესებას. პროგრამის ამოცანებია:
- წარმოებაში თანამედროვე, ეფექტიანი და კლიმატურ პირობებთან ადაპტირებული ტექნოლოგიების დანერგვა;
- ბაზრის მოთხოვნებზე მორგებული, ხარისხიანი აგროსასურსათო პროდუქციის წარმოება;
- ფინანსურ რესურსებზე ხელმისაწვდომობის ზრდა.
პროგრამა ითვალისწინებს შემდეგ კომპონენტებს:
- პირველადი წარმოების თანადაფინანსება;
- გადამმუშავებელი და შემნახველი საწარმოების თანადაფინანსება;
- შეღავათიანი აგროკრედიტი ძირითადი საშუალებებისთვის;
- შეღავათიანი აგროკრედიტი საბრუნავი საშუალებებისთვის;
- სასაკლაოს მოწყობის თანადაფინანსება.
პროგრამით სარგებლობა შეუძლია რეგისტრირებულ მეწარმე ფიზიკურ პირს (ინდივიდუალურ მეწარმეს) ან მეწარმე იურიდიულ პირს, რომელშიც სახელმწიფო არ ფლობს წილს/პაის/აქციას. ამასთანავე, პროგრამაში მონაწილეობის მისაღებად აუცილებელია პოტენციური ბენეფიციარი დარეგისტრირდეს ფერმერული მეურნეობებისა და სოფლად არსებული საწარმოების რეესტრში.
სააგენტოს თანადაფინანსების მოცულობა ჯამურად პროგრამის ყველა კომპონენტისათვის განისაზღვრება არაუმეტეს 2,000,000 (განსხვავებული პირობით ისარგებლებენ მერძეული ფერმის მოწყობით დაინტერესებული ფერმერები) ლარით:
- პროგრამის ყველა კომპონენტისთვის წარდგენილი პროექტის ჯამური თანხის არაუმეტეს 50%-ის ოდენობით, ხოლო სასოფლო-სამეურნეო სტატუსის მქონე კოოპერატივების, გამყოფი ხაზის მიმდებარე სოფლებისა და მაღალმთიანი დასახლებების შემთხვევაში − არაუმეტეს 55%-ის ოდენობით;
- გადამმუშავებელი და შემნახველი საწარმოების თანადაფინანსების კომპონენტისთვის წარდგენილი პროექტის ჯამური თანხის არაუმეტეს 40%-ის ოდენობით, ხოლო სასოფლო-სამეურნეო სტატუსის მქონე კოოპერატივების, გამყოფი ხაზის მიმდებარე სოფლებისა და მაღალმთიანი დასახლებების შემთხვევაში − არაუმეტეს 45%-ის ოდენობით.
ბენეფიციარს შეუძლია ისარგებლოს ყველა კომპონენტით გათვალისწინებული თანადაფინანსებით, ლიმიტ(ებ)ის ამოწურვამდე.
პროგრამის განმახორციელებელია ა(ა)იპ – სოფლის განვითარების სააგენტო. პროგრამის განხორციელების კოორდინაციას უზრუნველყოფს საქართველოს გარემოს დაცვისა და სოფლის მეურნეობის სამინისტრო.
პროგრამით სარგებლობის ძირითადი ეტაპები:
- რეგისტრაცია: პირველადი ნაბიჯია რეგისტრაცია ფერმერული მეურნეობებისა და სოფლად არსებული საწარმოების რეესტრში. ამის გარეშე პროგრამაში მონაწილეობა შეუძლებელია.
- მიმართულების შერჩევა _ ბენეფიციარმა უნდა განსაზღვროს, თუ რომელი კომპონენტი ესაჭიროება:
- პირველადი წარმოება (მაგ. ფერმის მოწყობა/განვითარება).
- გადამმუშავებელი/შემნახველი საწარმო (მაგ. სასაწყობე მეურნეობა ან გადამმუშავებელი ქარხანა).
- ფინანსური ინსტრუმენტები (შეღავათიანი აგროკრედიტები საბრუნავი ან ძირითადი საშუალებებისთვის).
- პროექტის მომზადება_ ბენეფიციარი ამზადებს ბიზნესგეგმას ან პროექტს, სადაც ჩანს თანადაფინანსების საჭიროება.
- განაცხადის წარდგენა _ განაცხადი და შესაბამისი დოკუმენტაცია უნდა იყოს წარმოდგენილი მხოლოდ ქართულ ენაზე.
- თანადაფინანსების მიღება _ სააგენტო განიხილავს განაცხადს და, დადებითი გადაწყვეტილების შემთხვევაში, გასცემს თანადაფინანსებას (პროექტის ჯამური ღირებულების 40%-დან 55%-მდე, კომპონენტის და სტატუსის მიხედვით).
რამდენიმე მნიშვნელოვანი დეტალი, რომელიც უნდა გაითვალისწინოთ:
- ლიმიტები _ ჯამური თანადაფინანსება შეზღუდულია 2,000,000 ლარით;
- სპეციალური სტატუსი _ კოოპერატივებს, გამყოფი ხაზის მიმდებარე სოფლებისა და მაღალმთიანი დასახლებების მაცხოვრებლებს აქვთ უპირატესობა თანადაფინანსების პროცენტულ წილში (მაგალითად, 50%-ის ნაცვლად 55%);
- დანიშნულება _ პროგრამა არ არის განკუთვნილი მხოლოდ სუბსიდირებისთვის; მისი მიზანია ინოვაციური, ეფექტიანი და კლიმატური პირობებისადმი გამძლე ტექნოლოგიების დანერგვა.
პროგრამა წარმოადგენს ეფექტიან ინსტრუმენტს აგროსექტორში ფინანსურ რესურსებზე ხელმისაწვდომობის გასაზრდელად და ინფრასტრუქტურის მოდერნიზაციისთვის. ფერმერებისა და საწარმოებისთვის თანადაფინანსების მექანიზმების (მათ შორის, ეღავათიანი აგროკრედიტების) შეთავაზებით, სახელმწიფო ქმნის მყარ საფუძველს მეურნეობების მდგრადი განვითარებისა და კლიმატური პირობებისადმი ადაპტირებული წარმოების დანერგვისთვის.
რეგისტრაციისა და კრიტერიუმების დაკმაყოფილების შემთხვევაში, დაინტერესებულ პირებს ეძლევათ შესაძლებლობა, მიიღონ მნიშვნელოვანი მხარდაჭერა საკუთარი საქმიანობის გასაფართოებლად და პროდუქციის ხარისხის ასამაღლებლად.