როგორ დავიცვათ პირუტყვი უხარისხო წამლებისა და ეპიდემიებისგან
ფერმერისთვის პირუტყვის ჯანმრთელობა მისი მთავარი კაპიტალია. თუმცა, ბოლო დროს გახშირებული შემთხვევები აჩვენებს, რომ უხარისხო მედიკამენტები და ვაქცინაციის წესების დარღვევა ხშირად ფატალური შედეგით სრულდება.
თავაზობთ რეკომენდაციებს, რომლებიც დაგეხმარებათ შეცდომების მინიმუმამდე დაყვანაში.
- როგორ ამოვიცნოთ უხარისხო პრეპარატი?
ბაზარზე ხშირად ხვდება ფალსიფიცირებული ან არასწორად შენახული მედიკამენტები. დაიმახსოვრეთ:
- შენახვის პირობები: ვაქცინების უმეტესობა მოითხოვს „ცივ ჯაჭვს“ (+2°C-დან +8°C-მდე). თუ ვეტაფთიაქში მაცივარი გამორთულია, პრეპარატი უკვე უვარგისია.
- ეტიკეტირება: ყოველთვის შეამოწმეთ ქართული ინსტრუქციის არსებობა და ვარგისიანობის ვადა. საეჭვოდ დაბალი ფასი ხშირად ფალსიფიკაციაზე მიანიშნებს.
- ვაქცინაციის „ოქროს წესები“
- არასოდეს აცრათ დაუძლურებული ან სიცხიანი ცხოველი.
- ვაქცინაციამდე 10-14 დღით ადრე აუცილებელია პირუტყვის დამუშავება ჭიებზე. პარაზიტების ტოქსინები ბლოკავს იმუნიტეტის ჩამოყალიბებას.
- ანტიბიოტიკების უსისტემო გამოყენება იწვევს რეზისტენტობას, როცა ცხოველი მართლა გახდება ავად, წამალი აღარ იმოქმედებს.
- ვეტერინარული ღონისძიებების სარეკომენდაციო კალენდარი
ეს არის ზოგადი გრაფიკი მსხვილფეხა რქოსანი პირუტყვისთვის (მრპ). გაითვალისწინეთ, რომ ზუსტი ვადები უნდა შეთანხმდეს ადგილობრივ ვეტერინართან, რეგიონული მდგომარეობის მიხედვით.
- პრაქტიკული რჩევები უსაფრთხოებისთვის
- გამოიყენეთ ერთჯერადი ნემსები _ ერთი ნემსით მთელი ნახირის აცრა დაავადების (მაგ. ლეიკოზის) გავრცელების პირდაპირი გზაა.
- აწარმოეთ ფერმის ჟურნალი _ ჩაწერეთ წამლის დასახელება, სერიის ნომერი და თარიღი. ეს დაგეხმარებათ პრეტენზიის წარდგენაში, თუ პრეპარატმა არ იმუშავა.
- გარე პარაზიტები _ არ დაგავიწყდეთ ტკიპებზე დამუშავება, რადგან ისინი ისეთი საშიში დაავადებების გადამტანები არიან, როგორიცაა პიროპლაზმოზი.
გახსოვდეთ: აცრაზე დაზოგილი თითოეული ლარი ხშირად ათმაგ ზარალად უბრუნდება ფერმერს.
ნუ ენდობით „მეზობლის რჩევას“, ითანამშრომლეთ მხოლოდ ვეტერინარებთან!
ეს მასალა მომზადებულია ფერმერთა ცნობიერების ასამაღლებლად. დეტალური კონსულტაციისთვის მიმართეთ ვეტერინარს.