გასვლითი ტურიზმის დინამიკა საქართველოში (I-III კვ. 2023)
2023 წლის I-III კვარტლებში საქართველოს რეზიდენტების მიერ განხორციელებულმა გასვლითი ვიზიტების რაოდენობამ 1.6 მილიონი შეადგინა, რაც 2022 წლის I-III კვარტლების მაჩვენებელს 42%-ით აღემატება, ხოლო 2019 წლის შესაბამისი მაჩვენებლის 95%-ს შეადგენს.
2023 წლის I-III კვარტლებში ვიზიტორთა მნიშვნელოვანმა ნაწილმა დანიშნულების ადგილად თურქეთი (44%) აირჩია, რომელსაც მოსდევდა ევროკავშირი (15%), სომხეთი (15%) და რუსეთი (12%). აღსანიშნავია, რუსეთში განხორციელებული ვიზიტების რაოდენობა განსაკუთრებით გაიზარდა 2023 წლის II კვარტლიდან, რაც უკავშირდება 2023 წლის მაისში რუსეთის გადაწყვეტილებას უვიზო რეჟიმის დაწესებისა და ფრენების აღდგენის შესახებ.
გამსვლელი ვიზიტორების დანახარჯებმა 2023 წლის I-III კვარტლებში 1.5 მილიარდ ლარს მიაღწია, რაც 2019 წლის I-III კვარტლების მაჩვენებელს 6%-ით ჩამოუვარდება. დანახარჯების განაწილების მიხედვით, მთლიან დანახარჯებში მნიშვნელოვნად გაიზარდა საყიდლების წილი (+10 პპ), კვების წილი (-6 პპ) კი შემცირდა.
სასტუმროს ფასების ინდექსი
2023 წლის დეკემბერში საქართველოში სასტუმროს ფასების ინდექსი (სფი) 2022 წლის დეკემბერთან შედარებით 7.0%-ით შემცირდა. აღსანიშნავია, რომ წლიური ფასები განსაკუთრებით შემცირდა 3*, 4*, 5* სასტუმროების კატეგორიისთვის (10.0%-ით). ამავდროულად, 2023 წლის ნოემბერთან შედარებით, სფი 10.9%-ით შემცირდა.
| რეგიონი | სასტუმრო | 3*, 4*, 5* | საოჯახო | |||
| 2023 დეკ/
2023 ნოე |
2023 დეკ/
2022 დეკ |
2023 დეკ/
2023 ნოე |
2023 დეკ/
2022 დეკ |
2023 დეკ/
2023 ნოე |
2023 დეკ/
2022 დეკ |
|
| კახეთი | 3.7% | 3.5% | 1.0% | 1.8% | 5.1% | 4.4% |
| იმერეთი | 4.4% | 3.1% | 4.1% | 5.3% | 4.7% | 1.1% |
| გურია | 6.9% | 19.6% | 6.9% | 19.6% | – | – |
| ქვემო ქართლი | – | – | – | – | – | – |
| აჭარა | 6.8% | -6.5% | 4.5% | -7.1% | 14.6% | -12.6% |
| რაჭა | 0.9% | 10.7% | – | – | 0.9% | 10.7% |
| შიდა ქართლი | 6.6% | 11.9% | -2.6% | 4.7% | 9.8% | 19.5% |
| სამეგრელო – ზემო სვანეთი | 0.0% | 25.8% | 1.9% | 15.1% | -1.4% | 35.8% |
| სამცხე-ჯავახეთი | 25.1% | 7.5% | 25.2% | -16.8% | 25.1% | 27.6% |
| მცხეთა-მთიანეთი | 23.8% | -9.1% | 35.6% | -17.5% | -1.4% | 21.5% |
| თბილისი | 11.3% | -11.5% | 11.8% | -11.7% | 5.7% | -8.1% |
| სულ ფასების % ცვლილება | 10.9% | –7.0% | 10.0% | –10.0% | 7.0% | –5.5% |
1. სასტუმროების ფასების ინდექსის გაანგარიშება მოხდა საერთაშორისო სავალუტო ფონდის მიერ შემუშავებული რეკომენდაციების მიხედვით. უმცირესი ერთობლიობის ინდექსი გამოთვლილია Jevons-ის ინდექსით. ასევე, გასათვალისწინებელია ისიც, რომ ზოგიერთი რეგიონისთვის (როგორიცაა შიდა ქართლი და რაჭა), საკმაოდ მცირეა მონაცემთა ბაზაში არსებული სასტუმროების რაოდენობა, შესაბამისად ინდექსი სრულად ვერ ასახავს რეგიონში არსებულ სასტუმროს ფასების ცვლილების ტენდენციას.
წყარო: https://pmcresearch.org/publications_file/1e4165a9052eb45dd.pdf