ხილისა და ბოსტნეულის წვენების ექსპორტი გაიზარდა

2026 წლის იანვარ-ივნისში საქართველოდან 10.7 ათასი ტონა ხილისა და ბოსტნეულის წვენები გავიდა ექსპორტზე, რომლის ღირებულებამაც 16.6 მილიონი აშშ დოლარი შეადგინა.

შარშანდელ ანალოგიურ პერიოდთან შედარებით, ექსპორტირებული პროდუქციის მოცულობა 36%-ით (2.8 ათასი ტონა), ხოლო ღირებულება _ 28%-ით (3.6 მილიონი აშშ დოლარი) არის გაზრდილი.

მთავარი საექსპორტო ბაზრები შემდეგნაირად გამოიყურება:

• აშშ — 23%;
• ავსტრალია — 21%;
• რუსეთი — 12%;
• გერმანია — 11%;
• ისრაელი — 7%.

ხილისა და ბოსტნეულის წვენების ექსპორტის ზრდა მკაფიოდ მიუთითებს ქვეყანაში გადამმუშავებელი სექტორის გაძლიერებასა და ადგილობრივი წარმოების მაღალ კონკურენტუნარიანობაზე.

განსაკუთრებით აღსანიშნავია, რომ ქართული პროდუქცია წარმოდგენილია ისეთ მსხვილ და მკაცრ სტანდარტების მქონე ბაზრებზე, როგორებიცაა აშშ, ავსტრალია და ევროპის ქვეყნები (გერმანია).

ტენდენცია ადასტურებს, რომ ადგილობრივი აგროსაწარმოები წარმატებით აკმაყოფილებენ საერთაშორისო ხარისხის მოთხოვნებს, რაც ხელს უწყობს ქვეყნის საექსპორტო პოტენციალისა და ეკონომიკური მდგრადობის ზრდას.