2023 წელს საქართველოში 23.9 მლნ აშშ დოლარის რძის ფხვნილი შემოვიდა

2023 წელს საქართველომ 23.9 მლნ აშშ დოლარის 9 229 ტონა რძის ფხვნილი, გრანულები და რძის სხვა შემცვლელები იყიდა.

სტატისტიკის ეროვნული სამსახურის მონაცემებით, რძის შემცვლელების იმპორტი თანხაში 18%-ით შემცირდა, ხოლო რაოდენობრივად 2.7%-ით გაიზარდა. 2022 წელს წელს ქვეყანაში 29.3 მლნ აშშ დოლარის 8 973 ტონა პროდუქტი შემოვიდა. შესაბამისად, გამოდის, რომ საქართველოს რძის ფხვნილის იმპორტი გაუიაფდა.

იმპორტიორი ქვეყნების ხუთეული კი, ასე გამოიყურება:

• ბელარუსი – 7.7 მლნ აშშ დოლარის 3 322 ტონა;
• ნიდერლანდები – 5.01 მლნ აშშ დოლარის 1 498 ტონა;
• ირანი – 3.1 მლნ აშშ დოლარის 1 254 ტონა;
• რუსეთი – 2.4 მლნ აშშ დოლარის 1,363 ტონა;
• უკრაინა – 2.4 მლნ აშშ დოლარის 826 ტონა.

რძის ფხვნილის გარდა, ნედლი რძის ალტერნატივად გამოიყენება რძე პასტაც, რომლის იმპორტმაც გასულ წელს სულ 145.1 ათასი აშშ დოლარის 23.4 ტონა შეადგინა.

წყარო: https://bm.ge