წყალტუბოს მუნიციპალიტეტში სარწყავი არხები წესრიგდება

შპს „საქართველოს მელიორაცია“, სამელიორაციო ინფრასტრუქტურის მოწესრიგების ფარგლებში, იმერეთში, მაშველის სარწყავ სისტემაზე სამუშაოებს ატარებს.

წყალტუბოში, სოფელ მუხიანის ტერიტორიაზე, გამანაწილებელი არხის 2 კმ-იანი მონაკვეთი იწმინდება.

ჩატარებული სამუშაოების შედეგად, სოფლების მუხიანისა და ფარცხანაყანევის  60 ჰექტარ სასოფლო-სამეურნეო მიწის ფართობზე, საირიგაციო მომსახურების გაუმჯობესებასთან ერთად, დაახლოებით 50 ჰექტარი სასოფლო-სამეურნეო დანიშნულების მიწის ფართობების დატბორვის საშიშროება აღარ იარსებებს.

საქართველოს მელიორაციამ სარწყავ სისტემაზე ექსპლუატაციის ღონისძიებები საკუთარი ძალებით მარტში დაიწყო და დასრულების ეტაპზეა.