2025 წელს სათესლე და სარგავი მასალის სერტიფიცირების მიმართულებით მნიშვნელოვანი შედეგია მიღწეული
სსიპ სოფლის მეურნეობის სამეცნიერო-კვლევითი ცენტრის მიერ სათესლე და სარგავი მასალის სერტიფიცირების სისტემის მხარდაჭერის ფარგლებში, მნიშვნელოვანი პროგრესი დაფიქსირდა.
ბაზარზე განთავსებისთვის განკუთვნილ ხორბლის სათესლე მასალაზე გაიცა 41 სერტიფიკატი, რაც 554 ტონა სერტიფიცირებულ პროდუქციას მოიცავს.
მრავალწლოვანი კულტურების მიმართულებით, 50-მდე სანერგე მეურნეობას მიენიჭა კვალიფიციური სანერგე მეურნეობის სტატუსი, ხოლო ტყის მერქნიან სახეობებზე გაიცა 27 სერტიფიკატი.
ასევე, 2019–2025 წლების მონაცემებით, ეროვნულ კატალოგში შეტანილია 109 ჯიში, მათ შორის ხორბლის, ვაზის, ქერისა და შვრიის კულტურები, რაც ხელს უწყობს სერტიფიცირებული სათესლე და სარგავი მასალის წარმოების განვითარებასა და აგროსექტორის მდგრადობას.
სერტიფიცირებული სათესლე და სარგავი მასალის წარმოება წარმოადგენს აგროსექტორის პროდუქტიულობის ზრდისა და ბაზარზე ნდობის განმტკიცების მნიშვნელოვან წინაპირობას.