საკანონმდებლო ცვლილებები: ვენახის გაშენების ახალი სტანდარტი

ხარისხის კონტროლის გამკაცრების მიზნით, საქართველოს პარლამენტმა მეორე მოსმენით უკვე დაუჭირა მხარი ცვლილებებს.

 „ვაზისა და ღვინის შესახებ“ კანონში. მთავარი სიახლე სამეწარმეო ვენახის გაშენებაზე თანხმობის დოკუმენტის შემოღებაა.

• მიზანი: კომერციული ვენახები უნდა გაშენდეს სწორ ნიადაგზე, კვალიფიციური ნერგით და ორიენტირებული იყოს გრძელვადიან შედეგზე.
• მასშტაბი: რეგულაცია შეეხება მხოლოდ მათ, ვინც კომერციულ საქმიანობას გეგმავს. სტატისტიკურად, ეს წელიწადში დაახლოებით 100-მდე პირს შეეხება (საშუალოდ 500 ჰექტარი ახალი ვენახი).
• ადგილწარმოშობა: დაცული ადგილწარმოშობის სასმელები უნდა დამზადდეს მხოლოდ კონკრეტულ მიკროზონაში მოწეული ყურძნისგან, რაც კიდევ უფრო ზრდის ქართული ბრენდის სანდოობას.

„ვენახი არის ის სიმდიდრე, რომელიც მომავალ თაობებს გადაეცემა. დღეს გაშენებული ვენახიდან საუკეთესო მოსავალს 15 წლის შემდეგ ველოდებით, ამიტომ შეცდომის უფლება არ გვაქვს,“ – ამბობს საქართველოს ღვინის ეროვნული სააგენტოს თავმჯდომარე ლევან მეხუზლა.

საკანონმდებლო ცვლილებები და სახელმწიფო პოლიტიკა ერთიან მიზანს ემსახურება: ქართული ღვინო უნდა დამკვიდრდეს მსოფლიოს პრემიუმ და უნიკალური ღვინოების სეგმენტში.

წარმოების პროცესების მკაცრი აღრიცხვა, ხარისხზე ორიენტირებული ფასწარმოქმნა და ვენახების სწორი დაგეგმარება არის ის ფუნდამენტი, რომელიც ქართულ მეღვინეობას გლობალური კრიზისის პირობებში არა მხოლოდ გადარჩენის, არამედ განვითარების საშუალებას მისცემს.