რატომ კვდება ფუტკარი კბენის შემდეგ? – ევოლუციის მწარე გაკვეთილი

ალბათ, ბევრ მეფუტკრეს გასჩენია კითხვა_ რატომ სწირავს თავს მუშა ფუტკარი კბენისას? ეს არ არის უბრალო ინსტინქტი, ეს არის ევოლუციურად ჩამოყალიბებული, ტრაგიკული, თუმცა უაღრესად ეფექტიანი თავდაცვის მექანიზმი.

გთავაზობთ პროცესის დეტალურ ანალიზს, თუ რა ხდება ფუტკრის ძუძუმწოვართა ორგანიზმის დანესტვრის მომენტში:

1. ისრისებრი ნესტარი _ კრაზანებისგან ან დედა ფუტკრისგან განსხვავებით, რომლებსაც გლუვი ნესტარი აქვთ, მუშა ფუტკრის ნესტარი აღჭურვილია ისრის ბუნიკის მსგავსი წვრილი ბუნიკით, რაც მას პატარა ჰარპუნს ამსგავსებს.

2. ფატალური დანესტვრა _ როდესაც ფუტკარი ადამიანს ან სხვა ძუძუმწოვარს კბენს, ნესტარის ეს წვრილი კბილანები ღრმად ესობა რბილ ქსოვილში, რომელიც შხამის ზემოქმედებით, მომენტალურად იკუმშებადა შედეგად, ფუტკარი ვეღარ ახერხებს ნესტარის უკან ამოღებას და თავის დახსნას.

3. მუცლის ღრუს დაზიანება (ევისცერაცია) _ ფუტკარი გააფთრებით ცდილობს გაფრენას, თუმცა წინააღმდეგობის გამო ნესტარი სხეულს წყდება. მასთან ერთად ორგანიზმიდან გამოდის შხამიანი ჯირკვალი, კუნთების ნაწილი და საჭმლის მომნელებელი სისტემის ფრაგმენტებიც კი. ასეთი მასშტაბის ტრავმა ფუტკრისთვის სასიკვდილოა.

4. ევოლუციური თავგანწირვა _ მიუხედავად იმისა, რომ ფუტკარი იღუპება, ნესტარის აპარატი დამოუკიდებლად აგრძელებს შხამის შეტუმბვას დაზიანებულ ადგილას კიდევ რამდენიმე წუთის განმავლობაში. ბუნების კანონზომიერების მიხედვით, ერთი მუშა ფუტკრის სიცოცხლე არის საფასური, რომელსაც იგი მთელი ოჯახისა და სკას უსაფრთხოების დასაცავად იხდის.