დიუროკი (Duroc) თუ TN70 (Topigs Norsvin) _ რომელი უფრო მომგებიანია
მეღორეობაში ერთ–ერთი ყველაზე აქტუალური სადისკუსიო თემაა _ რომელი ჯიში ან ხაზია უკეთესი: დიუროკი თუ TN70? სინამდვილეში, პასუხი მარტივი არ არის; არჩევანი დამოკიდებულია თქვენს საწარმოო მიზნებზე, მართვის სისტემასა და სამიზნე ბაზარზე.
ორივე მათგანს შეუძლია მაღალი შედეგების ჩვენება, თუმცა ისინი სხვადასხვა ძლიერი მხარეებით გამოირჩევიან. დიუროკი ხორცის ხარისხზე ორიენტირებული ჯიშია, ხოლო TN70 – მაღალპროდუქტიული ჰიბრიდული ღორის ჯიშია (ნაზვი), რომელიც გამოირჩევა მშვიდი ბუნებით, კარგი დედობრივი თვისებებით, დიდი წონის მქონე გოჭების დაყრით და ხანგრძლივი სიცოცხლისუნარიანობით.
ეს მსოფლიოში ერთ-ერთი ყველაზე პოპულარული ჯიშია, რომელიც აერთიანებს Landrace-ისა და Z-line-ის (Large White) გენეტიკას.
ქვემოთ განვიხილავთ მათ ძირითად მახასიათებლებს, რათა სწორი არჩევანის გაკეთება გაუადვილდეთ ფერმერებს.
დიუროკი (Duroc) = უხვ ხარისხიან და გემრიელ ხორცს
დიუროკი მსოფლიოში ცნობილია ხორცის გამორჩეული საგემოვნო თვისებებით. სწორი მართვის პირობებში, ის იძლევა საუკეთესო მარმარილოსებრ ხორცს, რომელსაც კარგი ტექსტურა და არომატი აქვს.
- ბაზარი: ამ ჯიშს უპირატესობას ანიჭებენ იმ ბაზრებზე, სადაც ხორცის ხარისხი განსაზღვრავს ფასს (პრემიუმ სეგმენტი).
- თვითღირებულება: დიუროკის სანაშენე მასალა, როგორც წესი, უფრო ძვირია. აქ თქვენ იხდით არა მხოლოდ ზრდის ტემპში, არამედ საბოლოო პროდუქტის მაღალ ხარისხში.
- ეფექტიანობა: ფერმერები, რომლებიც ორიენტირებულნი არიან მაღალხარისხიან პროდუქციაზე, ამ ჯიშისგან მეტ სარგებელს იღებენ.
TN70 _ რეპროდუქციული ეფექტიანობის ლიდერი
TN70 არის ჰიბრიდული ხაზი, რომელიც სპეციალურად რეპროდუქციული მაჩვენებლების გასაუმჯობესებლად შეიქმნა. მისი ძლიერი მხარეებია ნაყოფიერება და დედობრივი თვისებები.
- ნაყოფიერება _ TN70-ის ნეზვები სტაბილურად იძლევიან მრავალრიცხოვან ბუდეს (ბოჭოების დიდ რაოდენობას), რაც იდეალურია ფერმერებისთვის, ვისაც სურს სულადობის სწრაფი ზრდა.
- სპეციალიზაცია _ ეს ხაზი საუკეთესოა სანაშენე მეურნეობებისთვის და მათთვის, ვინც ორიენტირებულია გასასხლეტის (გოჭების) გაყიდვაზე ან კოლტების გაფართოებაზე.
- ზრდა _ TN70 ასევე აჩვენებს ზრდის კარგ ტემპს, განსაკუთრებით გამართული კვებისა და მართვის პირობებში.
შედარებითი ანალიზი
სანამ არჩევანს გააკეთებთ, უნდა უპასუხოთ კითხვას _ რა არის თქვენი მთავარი ამოცანა?
პრაქტიკაში წარმატებას მხოლოდ ჯიში არ განსაზღვრავს. მართვა, კვების რაციონი, ვეტერინარული კონტროლი და აღრიცხვიანობა გაცილებით დიდ როლს ასრულებს. კარგად მართული ფერმა ნებისმიერი ამ ჯიშის გამოყენებით ყოველთვის აჯობებს ცუდად მართულ სისტემას.
თუ თქვენი მიზანია მაღალი ხარისხის ხორცის წარმოება, დიუროკი უკეთეს უკუგებას მოგცემთ. თუ მიზნად ისახავთ წარმოების მასშტაბირებას, ბოჭოების რაოდენობის ზრდას და სანაშენე გამოსავლიანობის გაუმჯობესებას, TN70 ხშირად უკეთესი არჩევანია.
გახსოვდეთ: კითხვის ნაცვლად „რომელი ჯიშია უკეთესი?“, დასვით კითხვა: „რა მიზნის მიღწევა გსურთ მეღორეობაში?“ – სწორედ ეს პასუხი განსაზღვრავს თქვენი ფერმის მომგებიანობას.