საქართველოს ეკონომიკური კლიმატი, IV კვარტალი 2023 წელი

საქართველოს ეკონომიკური კლიმატი“ პიემსი კვლევითი ცენტრის (PMC RC) პროდუქტია. ქვემოთმოცემულ ბიულეტენში, რომელიც Ifo ინსტიტუტის მეთოდოლოგიას ეყრდნობა, განხილულია საქართველოს ეკონომიკური კლიმატი ქართველ ეკონომისტთა შეფასებით.* აღნიშნული გამოცემისთვის კვლევა 2023 წლის ნოემბერში ჩატარდა.

2023 წლის მეოთხე კვარტალში ჩატარებული ქართველი ეკონომისტების გამოკითხვის მთავარი მიგნებებია:

ქართველი ეკონომისტები პოზიტიურად აფასებენ საქართველოს მიმდინარე ეკონომიკურ მდგომარეობას.

მათი მოლოდინი საქართველოში მომდევნო ექვსი თვის ეკონომიკური მდგომარეობის მიმართ ასევე პოზიტიურია.

2023 წლის რეალური მშპ-ს ზრდის პროგნოზი საშუალოდ 6.2%-ს შეადგენს.

ეკონომისტები ვარაუდობენ, რომ მომდევნო 6 თვის განმავლობაში წლიური ინფლაციის მაჩვენებელი გაიზრდება. 2023 წლისთვის მოსალოდნელი ინფლაციის მაჩვენებელი საშუალოდ 3.9%-ია.

 გამოკითხულ ეკონომისტთა 64%-მა საქართველოს ეკონომიკისთვის ყველაზე მნიშვნელოვან საფრთხედ სამუშაო ძალის დეფიციტი დაასახელა.

რესპონდენტთა უმეტესობის (53%) აზრით, ტურიზმიდან მიღებული შემოსავლის გაუმჯობესებამ ყველაზე დიდი წვლილი შეიტანა IMF-ის მიერ საქართველოს ეკონომიკური ზრდის პროგნოზის გაზრდაში.

უნარების შეუსაბამობა საქართველოში სიღარიბის დონის შემცირებისათვის ყველაზე დიდ დაბრკოლებად გამოკითხულთა 70%-მა დაასახელა.

ბიულეტენი ვრცლად იხილეთ აქ: https://pmcresearch.org/publications_file/332d65780fce577e6.pdf